Ավելի Լավ Հայաստանը Երևանում գործող հասարակական կազմակերպություն է։ 2019 թվականից մենք ակտիվ գործունեություն ենք ծավալում՝ փորձելով նպաստել Հայաստանում աղբի ծավալների նվազեցմանը՝ ընտրելով մեր համերկրացիների հետ գիտելիքներով և փորձով կիսվելու ճանապարհը, ինչի շնորհիվ վստահ ենք՝ հնարավոր կդառնա աղբի ավելի արդյունավետ վերամշակումը։

Հայաստանը տարածքով փոքր պետություն է, այդ պատճառով աղբավայրերը սովորաբար բնակավայրերին շատ մոտ են։ Ցավոք, փորձը ցույց է տալիս, որ շատ դեպքերում թափոնները ուղղակիորեն հավաքվում են դրա համար չնախատեսված վայրերում և, անծածկ մնալով, բազմաթիվ խնդիրներ առաջացնում շրջակա միջավայրի համար։ Ժամանակին դրսևորած անպատասխանատու մոտեցումը հանգեցրել է նրան, որ այսօր ՀՀ գետերի մոտավորապես 58 տոկոսը ծայրահեղ աղտոտված վիճակում է, և աղբի զգալի մասը կազմում են պլաստմասե թափոնները։